ბოლნისის მუნიციპალიტეტი
ოფიციალური ვებგვერდი
ცხელი ხაზი
  • ქ. ბოლნისი
    ქ. ბოლნისი
სიახლეები

 

სოხუმის დაცემიდან 24 წელი გავიდა
27 სექ 2017
 

სოხუმის დაცემის დღესთან დაკავშირებით უგზო-უკვლოდ დაკარგულთა ოჯახები, მარჩენალდაკარგულები და დევნილი ვეტერანები ბოლნისის მუნიციპალიტეტისგან ერთჯერად მატერიალურ დახმარებას მიიღებენ. 48 ოჯახს წელს პირად ანგარიშზე 500 ლარი ჩაერიცხება.
სოხუმის დაცემის დღე საქართველოს უახლეს ისტორიაში ერთ-ერთი ყველაზე ტკივილიანი დღეა. ომი, რომელმაც 15 ათასი ქართველის სიცოცხლე შეიწირა და 300 000 დევნილად აქცია, 13 თვესა და 13 დღეს გაგრძელდა.
სოხუმის დაცემის დღეს რუსმა ოკუპანტებმა და აფხაზმა სეპარატისტებმა აფხაზეთის უზენაესი საბჭოს თავმჯდომარე ჟიული შარტავა 30-მდე ქართველთან ერთად დახვრიტეს. 27 სექტემბერს დაეცა სოხუმი, 29 სექტემბერს ოჩამჩირე, ხოლო 30 სექტემბერს გალი, რითაც აფხაზეთი სეპარატისტების ხელში გადავიდა.
აფხაზეთის ომში ჩვენი მუნიციპალიტეტიდან 281 მეომარი იბრძოდა, მათგან 10 ომში გმირულად დაეცა, 14 კი დღემდე დაკარგულად ითვლება.
საქართველოს ტერიტორიული მთლიანობისთვის წარმოებულ ომებში დაღუპულთა და უგზო-უკვლოდ დაკარგულთა ხსოვნის მემორიალი დღეს ბოლნისის მუნიციპალიტეტის გამგეობის თანამშრომლებმა გვირგვინით შეამკეს.


 
 
მნახველთა რაოდენობა: 837
 
 
 
სიახლეები
 
    2018 თებერვალი
    ორშსამოთხხუთპარშბკვ
    1234
    567891011
    12131415161718
    19202122232425
    262728
     
    სიახლეები